Sachgebiete

Beschreibung:

XI; 94 Seiten; 21 cm. Goldgepr. Originalleinen.

Bemerkung:

Gutes Ex. - Latein; griechisch. - Aus der Bibliothek von Prof. Wolfgang Haase, langjährigem Herausgeber der ANRW und des International Journal of the Classical Tradition (IJCT). - Dum bibliopolae alii alios aemulantur in iam deuenditis lexicis et uerborum indicibus antiquorum scriptorum tum carminum cum prosae orationis iterum edendis, utile mihi uidetur opus a uiris doctis praeteriti temporis tam eximie incohatum persequi et noua lexica nouosque indices expromere, quae studiosis usui sint ad magis magisque litterarum monumenta et Graecarum et Latinarum inquirenda penitusque cognoscenda. Musaei carminis de Herone et Leandro adhuc nullum exstabat lexicon. Adsunt quidem uerborum indices, qui tamen omnes ad unum uitiis laborant, cum, ad fidem uetustiorum editionum conformati, saepius deteriorum codicum exhibeant lectiones et semper sine ullo discrimine, nullo adiecto signo, coniecturas confundant uirorum doctorum cum codicum lectionibus. Primus uocabulorum omnium indice Musaeum uidetur instruxisse Daniel Pareus, qui de Herone et Leandro carmen cum in Latinam lingu-am translatione et prolixioribus adnotationibus Francofurti edidit anno MDCXXVII. Deinceps eius exemplum secuti sunt, ut tantum indices integros laudem, Henricus Kromayerus Halae Magd. 1721, Lipsiae 1725; Angelus Maria Bandinius, Laurentianae bibliothecae insignis prae-fectus Florentiae anno MDCCLXV adiectis in Latinam et Italicam lin-guam translatione et selectis adnotationibus; G. B. Gail Parisiis anno MDCCXCVI cum in Gallicam linguam translatione; E. Antonius Moebius Halae anno MDCCXIV et ad extremum Carolus Dilthey Bonnae MDCCCLXXIV. Qui ultimus index prae ceteris profecto unus excellit, cum Carolus Dilthey primus Musaei carmen adhibito iudicio secundum recentiorum normam recensuerit, sed nihilominus etiam ille uitiis non vacat. Nam, ut in eius praefatione legimus, uir ille doctus, cum ex sededm Musaei codicibus, uel ab ipso uel ab aliis eius gratia collatis, idoneos quattuor cognouisset ad quorum auctoritatem carmen de Herone et Leandro usque a prima Aldina editione uitiosissimis exem-plaribus adsidue repetitum recenseret, nimio ardore accensus inquinatum deformatumque libellum corrigendi, eo processit ut haud raro codicum lectiones spreuerit se glorians fere septuaginta numero recepisse coniec-turas, longe maiorem partem ab ipso prolatas, cum pro certo haberet ex coniectando peti necesse esse longe plus salutis Musaei carmini pessime habito et permultis glossematis oblito. Quas coniecturas in suum indicem induxit nullo adhibito discrimine, ut minime appareat quae lectio-nes sint traditae, quae ab illo nouatae. Quae cum ita sint, index desidera-batur, praesertim cum de Musaeo optime recentiores uiri docti merue-rint, qui Diltheium subsecuti sunt, in primis Arthurus Ludwich, qui magno studio in Musaei carmen diligenter enodandum incubuerit, in lucem edendum, scholiis et multis notis illustrandum, itemque, ut tan-tum praecipuos laudem, L. Schwabe, A. Castiglioni, H. Malcouati, quae ultima cum docta praefatione Italica et Latina lingua exposita carmen Mediolani anno MCMXLVIII Graece et Italice edidit. Musaei carmen de Herone et Leandro multis de causis dignum est quod consideretur, etiamsi nemo iam Iulii Caesaris Scaligeri iudicio assentiatur, quem ita acumina illa et flores declamatorii Musaei ceperint, ut non dubitauerit eum Homero praeferre eiusque stylum Homerico politiorem atque comptiorem proclamare neque quidquam eius versu iudicare rotundius, elegantius, ornatius, numerosiusque. ? (Vorwort)